Bizkaikoa.bizkaia.eus helbideak cookie-ak erabiltzen ditu, bereak zein hirugarrenenak, zerbitzua hobetu eta nabigazio ohiturei buruzko informazio estatistikoa lortzeko. Nabigatzen jarraitzen baduzu haien erabilera onartzen duzula ondorioztatuko dugu. Informazio gehiago nahi izanez gero Cookie-en atala kontsulta ezazu.

Logo de la Diputación
 

logo de bizkaikoa

Gardentasuna. Informazio publikoa eskuragarri

Albisteak

Irudia

AURKEZTUTAK OEJ 2018

2018/09/20

Bizkaiko Ondareari buruzko Europako Jardunaldien 18. edizioak emakumeek historian zehar jokatu duten papera du ardatz

Urrian zehar eta 300 jarduera baino gehiagori esker, hiritarrek Bizkaiko Kultur Ondarea beste ikuspegi batetik ezagutzeko aukera izango dute. Bizkaiko Foru Aldundiak 65 udal eta Bizkaiko lurraldeko ehun entitate, kultur elkarte eta museo baino gehiago koordinatu ditu aurtengo Ondareari buruzko Europako Jardunaldiak burutu ahal izateko.

 

Bizkaiko Ondareari buruzko Europako Jardunaldien 18. edizioak

Bizkaiak Ondareari buruzko Europako Jardunaldien hamazortzigarren edizioa ospatuko du aurten. Bizkaiko Foru Aldundiak koordinatzen duen ondarearen zabalkunderako programa hau, 200dik gorako kultur erakunde eta toki-erakunderen eta hainbat eta hainbat kultur elkarteren partaidetzarekin. Urrian zehar, hiritarrek gertutik ezagutu ahal izango dituzte Bizkaiko 70 udalerritan garatuko diren doako 300 ekitaldi inguru.

"Ondarea, emakumeen emaria" da aurtengo edizioaren lelo nagusia, emakumeek Bizkaiko ondarearen sorkuntzan eta transmisioan izan duten garrantzia nabarmentzen duena.

Emakumeek Bizkaiaren historiaren eta Bizkaiko kulturaren eraikuntzan egin duten ekarpena ikustarazi eta nabarmentzea da edizio berri honen helburu nagusia. Horrela, kontakizun historikoaren irakurketa inklusibo eta aberasgarri bat egin nahi da.

300 ekitaldi inguru izango dira Bizkaiko lurralde osoan zehar garatuko direnak: egitarauak ehun bat bisita gidatu, 70 hitzaldi eta solasaldi, 21 erakusketa eta erakusketa txiki, 3 antzezpen eta antzerki-lan bat, 3 kontzertu eta hainbat agerpen jasotzen ditu, baita dastaketaren bat ere, urri osoan zehar eta doan.

Ondareari buruzko Europako Jardunaldiak erreferentzia bilakatu dira Europa mailan, edizio bakoitzean aurkezten diren jardueren aniztasunagatik eta egitarau hau garatzeko bultzatutako erakundeen arteko lankidetza-ereduagatik.

Ondareari buruzko Europako Jardunaldien egitarau osoan hemen kontsulta daiteke: www.bizkaikoa.bizkaia.eus/jep

Aurtengo gaiak sakonago gonbidatu izan gaitu kultur ondareari heltzeko abiapuntuen inguruko gogoeta egitera eta abiapuntu horien inguruan ikertzera. Jardueretako asko urtetan egin izan diren ikerketa-beken eta ikerketa-lanen emaitza dira, une honetan, jardunaldion aukeraz baliatuta, argitara azaltzen direnak. Bestetik, ezarrita eta sustraituta dauden estandarrak eztabaidan jarri nahi dituzten gogoeta-prozesu batzuen ondorioa ere badira jardunaldiok: emakumeen papera hainbat garaitan, emakumeen garrantzia, ezarri zitzaizkien rol sozialak, euskal matriarkatua... Eta horrek guztiorrek hainbat emakumeren izen-abizenak argitara ekartzeko aukera ekarri du, hitzaldi, solasaldi, kafe-solas, ibilbide eta bisita gidatuen bidez.

Aurten aukeratutako gaiak eztabaida eta partaidetzarako gonbitea egiten duten jarduerak antolatzea ekarri du: mahai-inguruak, solasaldiak, belaunaldi ezberdinen arteko hitzaldiak.... Eta ondare pertsonalenak eta intimoenak argitara ekartzen dituzten jarduerak nabarmendu behar dira: familia-argazkiak, eguneroko objektuak, janzkera... Gure aurrekoengana hurbiltzen gaituzten eta kultur ondarearen transmisio-katean partaide egiten gaituzten osagaiak. Aurten hurbil-hurbilekoak zama handia du, gertuko ondareak, etxe barruko guneak, egunerokotasunarekin zerikusia duten jakituria horien sorkuntza eta transmisioa: etxeko erremedio edo sendabideak, sukaldaritzako errezetak, arropak edota etxerako edo elizarako hornidurak eta gauzak... Baina, baita ere, emakumeek hirien sorkuntzan eta diseinuan, arkitekturan, izan duten ekarpena, toki horietan beti egon izan direlako emakumeak, baina ez dugu jakin izan haiek ikusten.

 

Informazio gehiago: web.bizkaia.eus/es/web/area-de-prensa/noticias/-/news/detailView/18884

 

© Bizkaikoa, F.E.E.P. · Mª Díaz de Haro kalea, 11 · Email: bizkaikoa@bizkaia.eus ·